Անվտանգ դիմահարդարում. 6 խորհուրդ

Շատերին ծանոթ են դիմահարդարման հասցրած վնասները, բայց պատճառը, իհարկե, բուն դիմահարդարման պրոցեսը չէ, այլ արտաքին սխալ միջամտությունը, որ կարող է բազմաթիվ ինֆեկցիաների պատճառ դառնալ: Այդ ամենից կարելի է խուսափել' պահպանելով դիմահարդարման մի քանի կանոններ.

1. Կոսմետիկ միջոցները մաքուր վայրում պահեք, այլապես դրանց մեջ կարող են բակտերիաներ ներթափանցել ու բազմանալ: Լվացեք ձեռքերը դիմահարդարվելուց առաջ:

2. Մի «լցոնեք» կոսմետիկ միջոցները: Խուսափեք աչքերի հարդարման համար նախատեսված կոսմետիկայի մեջ ջուր կամ արևէ այլ բան լցնելուց:

3. Ուրիշին մի տվեք Ձեր կոսմետիկ միջոցները: Օգտվելով Ձեր շրթներկից' ընկերուհին հեշտությամբ կարող է դրա վրա բակտերիաներ թողնել:

4. Կարդացեք կոսմետիկ միջոցի բաղադրությունը: Եթե չգտնեք բաղադրությունը տուփի վրա, ուրեմն ձեռք եք բերել անօրինական միջոց, որը, գուցե, անվտանգ չէ:

5. Առավել ուշադիր եղեք աչքերի համար նախատեսված կոսմետիկ միջոցների հետ: Երբեք մի օգտագործեք ժամկետանց թարթիչաներկ, ստվերաներկ կամ աչքի մատիտ:

6. Պահեք կոսմետիկ միջոցները զով վայրում /ոչ ցուրտ/: 30ºС-ի պայմաններում կոսմետիկայի միջից կարող են վերանալ այն նյութերը, որոնք պայքարում են բակտերիաների դեմ:

Հարցեր, պատասխաններ, մեկնաբանություններ